CAGAYAN DE ORO CITY-Gi-depensa sa kapolisan ang pagkapatay sa duha ka suspected drug pushers sa Sitio Kakawan,Brgy Patrocinio,Claveria,Misamis Oriental.
Kini human giingong misukol ang mga suspek nga si Curly Salcedo nga taga-Tagoloan ning lalawigan ug nagsilbing no.7 sa provincial target sa PNP ug PDEA ingon man si Robert Pagtalunan nga lumad usab taga-Bukidnon.
Miingon si Police C/Insp Rogelio Labor,hepe sa Claveria Police Station nga gipusil ni Salcedo si SPO1 Oscar Mabayo dihang nakabantay kini sa ilang transaksyon hinungdan paspas mi-responde ang back-up police sa Provincial Drug Enforcement Unit.
Wala maunsa si Mabayo tungod sa gisul-ob nga bullet vest rason nga pulos napatay nila si Salcedo ug Pagtalunan nga armado sa kalibre 45 ug 38 revolver.
Nakuha gikan kang Salcedo kinsa miembro sa Batang Mindanao o BM-29 ang 15 gramo nga gitoohang shabu.
