CAGAYAN DE ORO CITY-Nasabtan sa Cagayan de Oro City Police Office (COCPO) ang pagtago ni PSupt Michael John Deloso human gi-ambush sa dalang Capitol-Luna street ning syudad sa milabayng bulan.
Nakagawas na si Deloso sa ospital apan mismo ang mga pulis ang wala masayod sa lokasyon niini karon.
Miingon si COCPO spokesperson Supt Mardi Hortillosa nga ang nakita nilang rason sa pagtago ni Deloso ang may kalabutan gihapon sa iyang panglawas.
Matud ni Hortillosa nga kung mopatim-aw si Deloso bisag delikado pa ang kinabuhi niini, basin moresulta pa sa pagkabughat niini kung mohatag na sa statement.
