CAGAYAN DE ORO CITY-Kasuhan sa kapolisan ang driver sa Isuzo cargo truck nga gisakyan sa mga komprador sa mga utanon ug nagutmon nga unang nadisgrasya sa lungsod sa Salay,Misamis Oriental.
Kini human nag-resulta sa kamatayon sa tulo ka biktima nga gilakipan nila ni Adeline Libarios;Saro Naset ug Jamel Sulta nga pulos nag-puyo sa Surigao del Sur.
Miingon si Salay Police Station commander Police Sr/Insp Rham Camelotes nga maoy kasuhan ang driver nga si Elmer Librio nga kabahin usab sa 11 ka tawo nga naangol dihang nahitabo ang aksidente.
Namahayag si Camelotes nga nag-malfunction ang manobela sa truck hinungdan nawad-an sa kontrol si Librio ug nadisgrasya.
Kabahin sa mga kasong atubangon ni Librio ang reckless imprudence resulting to multiple homicide, multiple physical injuries ug damage to property.
Nasayran gikan nangompra sa mga utanon ang mga biktima ning syudad dihang pag-abot sa Salay natigayon ang ang aksidente sa miaging gabii.
