CAGAYAN DE ORO CITY-Kumpiyansa sa kanhi Dept of Agriculture o DA undersecretary Pompee La Vina nga kaya nila pildihon ang kandidatura ni City Mayor Oscar Moreno sa 2019 midterm elections sa syudad.
Kini bisan nakagamot na si Moreno ug subli mopapili alang sa ikatulong termino sa nagsingabot nga piliay.Miingon si La Vina nga dako ang lig-o ug dako ang puwersa nga anaa kanila ilabina naghiusa ang kampo ni kanhi City Mayor Vicente Emano;former Cong Rufus Rodriguez ug suporta usab ni Pres Rodrigo Duterte.
Samtang misakay lamang sa panahon aron gub-on ug wad-an sa pokus ang kagamhanang lokal paghatag sa batakang serbisyo ang katawhan sa syudad.
Kini ang tubag ni Moreno sa panganti ni kanhi Dept of Agriculture o DA undersecretary Pompee La Vinia nga dako’g tsansa nga mapildi nila ang pamunuan niini sa 2019 midterm elections sa dakbayan.
Miingon si Moreno nga dili angay tumbangan si La Vinia kay anaa kini kaugalingong kalibutan nga dili masabtan sa katawhan.
Si Moreno ug La Vinia ang su-od maghigala apan nagbinatuhay sa init nga isyu tungod lamang sa bulok sa politika.
