CAGAYAN DE ORO CITY-Gisaway ni resigned Dept of Agriculture Undersecretary Pompee La Vinia ang giingong kulang nga
suporta sa kagamhanan lokal sa kapolisan ug militar ning dakbayan.
Gihimo ni La Vinia ang pagsaway tungod sa pakyas pagpugong sa sunod-sunod nga pagpamusil sa pipila ka govt officials diin labing ulahi si kanhi Kadingilan Mayor Joelito Jakosalem Talaid diha sa Upper Carmen sa syudad sa miaging semana.
Miingon si La Vinia kinsa usa magpapili pagka-mayor sa syudad nga nagpaabot kaniya’g reklamo ang pipila ka kabarangayan kabahin sa kakulang sa suporta sa dakbayan sa
kapolisan ug kasundaluhan.
Gihagit ni La Vinia si City Mayor Oscar Moreno nga ayuhon ang pagdumala sa intelligence funds
aron dili subli malutsan sa mga kriminal ang dakbayan.
Samtang namugos si Moreno nga ‘isolated case’ lamang ang pagpusil- patay kang Talaid sa Upper Carmen sa syudad.
Nagkatawa nga gitubag ni Moreno ang pasiatab ni kanhi Dept of Agriculture Undersecretary Pompee La Vinia diin kini namugos nga wala magkulang ang syudad pag-abag sa kinahanglangnon sa kapolisan ug kasundaluhan.
Giapelar ni Moreno sa katawhan nga dili magpasagad ug motabang pagbantay sa seguridad kay
bisan ang dagkong syudad ug gamhanang kanasuran ang pakyas usab makalikay sa dagkong kremin.
Nasayran nga gimando ni Moreno task force-Talaid ang paspas nga pagsulbad sa maong kremin diin ikaupat nga kaso sa pagpamusil sukad
Nobyembre hangtod ning bulana sa syudad.
Sa pikas bahin,subli gipasalig Special Investigation Task Force -Talaid nga masulbad sa dali nga panahon ang kasong pagpusil-patay kang Talaid sa Uptown,Brgy Carmen ning syudad.
Si SITG-Talaid spokesperson Police/Supt Mardi Hortillosa miingon nga kabahin sa gitrabaho nila ang pagsusi sa unod sa CCTV camera diin nakuha ang postora sa suspek nga nagpusil kang Talaid.Sutaon usab sa SITG ang
unod sa celphone sa biktima ilabina nga dako ang ilang pagtoo nga nakadawat kini’g bahad sa kinabuhi tungod sa narekober
nga .45 kalibre nga armas sulod sa iyang sakyanan.Una nang gitratar sa SITG nga person of interest ang unang live-in partner
nga babaye ni Talaid tungod sa bangi nila sa salapi ug negosyo.
