CAGAYAN DE ORO CITY-Wala pa na’g 50 porsyento ang dagan sa kaso pagluthang-patay sa riding in tandem kang kanhi Kadingilan Mayor Joelito Talaid sa Upper Carmen ning syudad sa milabayng semana.
Anggulong politika, negosyo ug love life ang gitutukan sa SITG-Talaid.
Miingon si Cagayan de Oro City Police Office spokesperson Police Supt Mardi Hortillosa nga maoy pinakaduol sa mga anggulo ang mahitungod sa ika duhang asawa ni Talaid.
Gibutyag ni Hortillosa nga nagbaton sa bangi ang duruha tungod kay nagpasakag kaso ang lalake nga tresspassing batok sa babaye samtang
miduso usab pagkaso ang babaye og illegal detention batok kang Talaid.
Samtang nagtoo si Hortillosa ang Cagayan de Oro City Police Office nga anaa lamang sa syudad nagtago ang babaye nga gituohang adunay dako’g
kalambigitan pagpusil-patay sa riding in tandem kang Talaid ning syudad.
Miingon COCPO spokesperson Police Supt Mardi Hortillosa nga sa ilang nakuha nga impormasyon anaa sa brgy lumbia ang wala pa panganli nga
babaye.
Dugtong pa ni Hortillosa nga aduna na poy mga butang ni Talaid ang gipangkuha sa iyang kanhi partner.
Sa pagka karon nagpadayon pa gihapon ang gihimong imbestigasyon sa kapulisan sa maong kaso.
