CAGAYAN DE ORO CITY-Gitratar nga generally peaceful sa kapolisan ang pagsugat sa bag-ong tuig sa syudad.Kini human wala’y dagkong hitabo nga nakatugaw sa kahusay’g kalinaw samtang anaa pagsaulog sa katawhan sa bag-ong
tuig.
Miingon si Cagayan de Oro City Police Office spokesperson Police Supt Mardi Hortillosa nga nagkahulugan lamang
kini nga napatuman sa gobierno ang mga lakang aron mapanalipdan ang katawhan sa dili maayong mga
panghitabo.
Una usab niini,bisan si Police Supt Surki Serenias sa PNP-Northern Mindanao ang nagkompirmar nga walay
kagubot nga nahitabo sa pagsaulog sa bag-ong tuig 2019.
Samtang masaligon ang Dept of Health o DoH-10 nga ubos lamang ang ihap sa mga tawo nga mabuthan alayon sa pagsugat bag-ong tuig dinhi sa rehiyon.
Kini human kumpirmaha ni DoH spokesperson Dr Dave Mendoza nga may upat ka tawo nga nadala sa ospital kay nabuthan sa lain-laing klase sa pabuto pagsugat sa bag-ong tuig.
Miingon si Mendoza nga dili kapugngan ang katawhan pagpabuto apan unta magbaton lamang sa ubos nga ihap ang rehiyon sama sa tuig 2018 nga anaa sa napulo ka tawo ang naangol tungod sa fire- crackers incidents.
