CAGAYAN DE ORO CITY-Laraw karon ni Gov Bambi Emano nga tan-awon ang mga basura nga gikan South Korea ug nakasulod diha sa
Tagoloan, Misamis Oriental.
Miingon si Emano nga tumong niini nga masusi ang maong mga basura kon mahimo pa ba kining mapahimuslan sa pag-recycle aron himoong lingkuran.
Gibutyag ni Emano nga kon makita nga dili na kini mapuslan ila gayud hingusgan ang pagpabalik niini sa South Korea kay dili basurahan ang probinsya.
Una niini,gidayeg niya ang pipila ka sakop sa sangguniang panlalawigan tungod sa pagbulgar sa maong mga basura nga nakasulod sa lalawigan sugod Hulyo ug Oktubre 2018.
Samtang gisupak ni Mindanao International Container Terminal o MICT collector John Simon ang laraw sa povincial capitol nga e-recycle ang mga basura nga nakasulod sa Tagoloan, Misamis Oriental.
Miingon si Simon nga kinahanglang ibalik ang mga basura sa South Korea tungod sa mga balaud nga nasupak niini ug aron dili masubli nga dad-ag
basura ang lalawigan gikan sa ubang kanasuran.
Dugtong ni Simon nga kon gusto sa probinsya nga mag recycle sa mga basura dili na kinahanglan niini nga mag import kay daghan na diri sa atong palibot.
