CAGAYAN DE ORO CITY-Gi-absuwelto sa Armed Forces of the Philippines-Board of Inquiry (AFP-BOI) ang pipila ka sundalo nga unang nalutsan sa pag-atake sa rebeldeng New People’s Army o NPA sa Brgy New Tubigon,Sibagat,Agusan del Sur.
Kini human nasuta sa mga imbestigador nga walay nakita nga kakulangon sa seguridad sa patrol base nga nasudlan sa NPA rebels diin nadagit ang duha ka sundalo ug 12 ka Cafgu members sa maong lugar.
Miingon si 4th ID commander Maj Gen Ronald Villanueva nga bugtong manubag sa pagkakawat sa 23 ka tag-as nga armas sa gobierno ang mga bihag nga padayong gihawiran sa mga rebelde.
Hinoon,nalukong na sa militar ang mga rebelde nga naghawid sa mga bihag ug maglisod na kini’g gawas nga buhi sa lugar diin nagtagu-tago sukad Disyembre 2018.
