CAGAYAN DE ORO CITY-Mitahan sa militar ang duha ka mga gitoohang miyembro sa ISIS-inspired Maute group sa may Pagayawan, Lanao Del Sur.
Sumala pa ni Lieutenant Colonel Ian Ignes, commander sa Philippine Army 55th Infantry Battalion nga mitahan ang duruha human makasinati’g kakapoy sa kanunay’ng pagtago-tago sa militar.
Dala sa duruha sa ilang pagtahan ang ilang 9mm sub-machine gun ug usa ka kalibre .45 nga pistola.
Una nang gibutyag ni Colonel Romeo Brawner, kinsa commander sa 103rd Infantry Brigade nga magpadayon ang combat operation sa mga sundalo aron walay magsilbing babag sa ilang recovery, reconstruction ug rehabilitation process sa Marawi City.
