CAGAYAN DE ORO CITY-Gipatubag na sa panel of prosecutors ang duha ka pulis nga gisumbong sa ambush victim nga si Police Supt Michael John Deloso diha sa Luna Street sa syudad niadtong Nob 2018.
Kini sa tuyo nga paspas nga mo-resolba ang kasong frustrated murder nga gipasaka kang Deloso batok SPO1 Ian Quitoriano ug PO3 Elmer Arrabi Jr nga giingong nag-ambush kaniya niadtong Nob 20,2018.Miingon si Regional State Prosecutor Merlynn Uy miingon nga gihulatan sa panel ang counter affidavit nila ni Quitoriano ug Arrabi aron ilugwa ang resolusyon kabahin sa maong kaso.
Gihagtagan sa piskalya sa 10 ka adlaw nga matubag sa mga akusado ang kaso nga gipasaka batok kanila ayha himoon ang clarificatory hearing.
Samtang gikompirmar ni Police Regional Office o PRO-10 spokesperson Police Supt Surki Serenias nga nadawat na nila ni Quitoriano ug Arrabi ang subpoena sa korte.
Apan bisan niini padayon gihapon sa ilang drug operations ang duha ubos sa Regional Drug Enforcement Unit –
10 ilabina nga wala pa’y hukom ang korte sa kaso nga ilang giatubang.
Gitin-aw usab ni Serenias nga wala pa kabalik sa iyang trabaho si Deloso taliwala paman nga nahuman na ang iyang medical leave.
