CAGAYAN DE ORO CITY-Nangaputol ang mga tiil sa magtiayon nga naligsan-patay tungod sa grabeng impact sa pagligsi sa prime mover truck diha sa Zone 5,Brgy Barra,Opol,Misamis Oriental kagabii.
Giila ni SPO1 Arnel Acero,traffic investigator sa Opol Police Station ang mga biktima nga si Arvin ug Mary June Mabao,pulos hingkod ang edad ug nagpuyo sa maong lugar.
Miingon si Acero nga nag-menor ang mga biktima sakay sa motorsiklo apan gidumbol kini sa truck nga gimaneho ni Edgardo Macazarte nga taga-Zamboanga City.
Nasuta nga nakainom ang suspek rason nga nalatayan ug nagguyod ang mga biktima hinungdan sa kamatayon niini.
Samtang,nangayo’g pasaylo usab ang dinakpan nga si Macazarte sa gidangatan sa biktima apan namugos nga dili kini hubog sa pag-maneho sa sakyanan kagabii.
