CAGAYAN DE ORO CITY-Gigukod sa militar ang grupo sa rebeldeng New People’s Army o NPA nga mihimo sa pagsunog sa kagamitan sa kompanyang Dole sa Valencia City, Bukidnon.
Miingon si 4th ID commander Maj Gen Ronald Villanueva nga nagpakita lamang kini kon unsa ang pagka-terorista sa mga rebelde nga midagmal sa kagamitan sa mga sibilyan nga walay ikasukol batok sa maong grupo.
Dugang ni Villanueva nga hinoon, walay tawo nga gidagmalan ang bana-banang 30 ka sakop sa NPA dihang gilusob nila ang kompanya aron mangdaut sa kagamitan.
Gikoordinar na sa militar ang PNP aron han-ayon ang pagkaso batok sa mga rebelde sa Commission on Human Rights o CHR ning rehiyon.
