CAGAYAN DE ORO CITY-Samaron ang tulo ka sundalo samtang gitoohan nga dunay namatay sa panig sa teroristang Maute-ISIS sa engkuwentro sa Lumbaca-Unayan, Lanao del Sur.
Miingon si Gen Romeo Brawner Jr, commander sa 103rd IB, Philippine Army nga naghimo’g combat operation ang tropa sa gobierno dihang nasugat nila ang grupo ni Maute-ISIS commander Benito Marahomsar alyas Abu Dar hinungdan sa maong engkuwentro.
Si Abu Dar ang dunay patong sa ulo nga 6 milyon pesos tungod sa mga dagkong salaod nga nahimo niini ilabina sa pag-atake sa Marawi City tuig 2017.
Dugtong usab niini, gibutyag ni Iligan City information officer Joe Pantoja nga padayon ang ilang koordinasyon ilabina nga duol ra sila sa Lanao del Sur.
