CAGAYAN DE ORO CITY-Gikasubo sa kanhi hostage victim nga si Rev Fr Chito Suganob ang laing pag-atake sa simbahang Katoliko nga nahitabo sa Mount Carmel Cathedral diin 22 ka tawo ang patay ug 112 ang angol sa Jolo,Sulu.
Gihimo ni Sugano ang pahayag tungod sa iyang gibating kalooy sa mga tawo nga igo lamang mihimo’g pagsimba nga gibombahan sa gitoohang Abuy Sayyaf Group.
Miingon si Suganob kinsa kura paroko usab sa St Mary’s Cathedral nga gi-atake sa grupong Maute-ISIS nga unta makab-ot sa dali nga panahon ang hustisya alang sa mga namatay ug samaron.
Si Suganob miingon nga dili angay maapektuhan ang paningkamot sa kalinaw sa gobierno ug Moro Islamic Liberation Front nga bag-uhay lamang naglusad sa plebesito diin apil ang Sulu nga gipasulod sa Bangsamoro Autononomous Region in Muslim Mindanao o BARMM.
