CAGAYAN DE ORO CITY-Miapelar ang liderato sa Moro Islamic Liberation Front o MILF sa mga Dimaporo nga ihatag ang hingpit nga panag-uli sa maayong buot alang sa ikalambo ug kalinaw sa Lanao del Norte.
Gihimo ni MILF peace implementing panel chairman Mohaguer Iqbal alayon sa nagkaduol nga plebesito sa unom ka lungsod sa maong probinsya.
Miingon si Iqbal nga dili makuha ang kalambuan ug kahapsay sa maong lugar kon pabiling magdumot ang MILF local commanders nga gipanguluhan ni Kumander Bravo batok sa mga Dimaporo.
Samtang mihangyo si kanhi presidente ug karon House Speaker Gloria Arroyo sa panig sa MILF ug pamilyang Dimaporo nga hatagan sa higayon ang katawhan mopagawas sa ilang hukom sa plebesito sa Lanao del Norte sa Pebrero 6 ning tuiga.
Gihimo ni Arroyo ang pahayag tungod sa dili pagsinabot sa mga Dimaporo ug MILF commanders sa nagkaduol nga pag-ratify sa Bangsamoro Organic Law o BOL sa maong lalawigan sunod semana.
Si Arroyo ang may gikan usab sa Iligan City nga provincial capital sa Lanao del Norte nga kontrolado sa mga Dimaporo rason nga nagbati kini sa iyang kahingawa.
