CAGAYAN DE ORO CITY-Gipangita karon sa kapolisan ang lalaki nga suspek pagdunggab- patay sa kanhi gika-relasyon niini nga maestra sulod sa tunghaan sa Iligan City.
Giila nui Iligan City Police Office spokesperson Police C/Insp Jovanie Cabusas ang biktima nga si Cheryl Dologuin,36 anyos ug nagpuyo sa maong lugar.
Gibutyag ni Cabusas nga samtang kamulo pagtudlo ang biktima sa iyang mga estudyante,kalit misulod ang wala una panganli nga suspek ug gilayong dunggab niini sa daghang higayon.
Gani,gipadagan pa sa biktima ang mga bata aron dili madamay sa himoon sa suspek.
Nakigbulag ang biktima dihang nasayran nga dakong minyo ug may mga anak ang suspek apan naglisod kini’g dawat hinungdan nahitabo ang kremin.
