CAGAYAN DE ORO CITY-Supak si Vice President Leni Robredo nga himoong 12-anyos ang minimum age sa criminal liability sa nasud.
Si Robredo miingon nga dili sulbad ang pag-amendar sa Juvenile Justice and Welfare Act sa pagdaghan sa mga bata nga giggamit sa sindikato sa ilang illegal nga binuhatan.
Dugang niini nga ang istriktong implementasyon sa juvenile law ang epektibong solusyon sa problema.
Gisugyot usab niini nga kinahanglang ipaubos sa debate ang maong hisgutan aron makamugna sa konkretong paagi nga masumpo ang krimen nga gilambigitan sa kabatan-unan.
