CAGAYAN DE ORO CITY-Patay ang usa ka lalake human napusilan sa Brgy Tikalaan, Talakag,Bukidnon.Giila ang biktima nga si Raymond Laguinda, 41-anyos ug molopyo sa Dominorog sa maong lalawigan.
Gibutyag sa iyaan nga si Alma Icat nga gipusil ang iyang pag umangkon nga si Raymond sa mga bandido sa Bukidnon niadtong bulan sa Oktubre.
Nakaangkon sa igo pinusilan si Laguinda sa iyang kamot ug dughan ug na impeksyon ang samad niini hinungdan nga namatay kini sa Northern Mindanao Medical Center kagahapong adlawa.
Kasub-anan ang mihabol sa pamilya nga nagbangutan sa hitabo.
