CAGAYAN DE ORO CITY-Gigukod na sa iyang anino si City Mayor Oscar Moreno rason nga kanunay na lamang kini nanumangil sa mga kontra niini sa politika sa syudad.
Kini human unang giakusahan ni Moreno ang kampo nila ni Gov Bambi Emano,kanhi Mayor Vicente ‘Dongkoy’ Emano ug kanhi Dept of Agriculture Undersecretary Pompee La Vinia nga utok sa plunder case nga giatubang niini
sa Ombudsman.
Miingon si Gov Emano nga imposible ang panaghap ni Moreno kay dili man sila magkaatbang sa pagka-mayor sa
syudad sa midterm elections.
Nagsumikad ang plunder case ni Moreno nga gipasaka sa usa ka Michael James Pada tungod sa pagduda nga overprice ang gipangtukod nga mga tunghaan sa syudad.
Una usab niini,gibarugan ni Moreno nga walay anomaliya sa school classroom constructions ug kini nagtoo nga gigamit lamang si Pada sa iyang mga kontra sa politika.
