CAGAYAN DE ORO CITY-Gipasaka sa National Bureau of Investigation o NBI-10 ang patung-patong nga kaso batok sa mga opisyales sa VERDE SOKO Philippines Industrial Corporation.
Matud ni NBI-10 regional director Atty Patricio Bernales nga kasong pagsupak sa RA 6969 Toxic and Hazardous Waste Act ug RA 10863 “An Act Modernizing the Customs and Tariff Administration” ang ilang gipasaka base sa rekomendasyon sa Enviromental Management Bureau sa DENR-10 ug Bureau of Customs.
Kabahin sa gikasuhan sila Neil Alburo, president ng Verde Soko Philippines Industrial Corporation; Maria Jonessa Fung, treasurer;Theresita Ceralde, corporate secretary; Deolita Sabellosa, Jae Ryang Cho, Chul Soo Chu, Sena Na,Marcelo Ouano Jr ug daghan pang uban.
Sa pagkakaron,gihulatan sa NBI nga resolbahon sa piskalya ang kaso aron masuta kon dunay basehan nga isaka sa korte batok sa mga sinumbong.
