CAGAYAN DE ORO CITY-Gidasig ni Regional Peace and Order Council o RPOC chairman City Mayor Oscar Moreno ang mga botante nga ilugwa ang tinood nga hukom sa plebisito sa unom ka lungsod sa Lanao del Norte.
Gihimo ni Moreno ang pahayag tungod kay mga lungsod nga lig-on ang suporta sa Bangsamoro Organic Law o BOL ug may bahin usab sa probinsya nga kusganong nagsupak.
Gihinaut ni Moreno nga walay kakulian ang mahitabo bisan sa 3-mil ka pulis ug mga sundalo ang ikatag sa
mga lugar diin himoon ang plebisito.
Samtang giawhag ni Gov Bambi Emano ang Bangsamoro Transition Commission o BTC nga tumanon nila ang mga probisyon nga nalatid sa BOL alang sa bag-ong tukod nga Bangsamoro Autonomous Region in Muslim Mindanao o BARMM.
Kini human angkona ni MILF vice chairman Ghadzali Jaafar nga puno sa hagit ang pagpatuman niini gikan sa kasamtangang Autonomous Region in Muslim Mindanao o ARMM.
Namahayag si Emano nga hayan dunay moulbo nga problema ilabina sa pagturn-over ARMM padulong sa BARMM nga dumalahon sa kadagkuan sa MILF.
