CAGAYAN DE ORO CITY-Giakasuhan ni Gov Imelda Dimaporo nga ang Moro Islamic Liberation Front o MILF ang utok sa
duha ka pagpabuto sa improvised explosive devices o IEDs sa lungsod sa Lala ug Kauswsagan,Lanao del Norte.
Miingon si Dimaporo nga walay laing matumbok nila nga mihimo niini ilabina nga daan nang dunay giluwatang pahayag si Abdullah
Macapaar alyas MILF Kumander Bravo bahin sa plebisito.
Apan nanganti si Dimaporo nga dili makapatalaw kanila ang pagbuto sa mga bomba duol sa gas station sa Lala ug luyo usab sa munisipyo sa Kauswagan ingon ang grenade explosion sa Sultan Naga Dimaporo.
.Samtang gisaway ni Moro Islamic Liberation Front o MILF peace implementing panel chief Mohaguer Iqbal ang pasangil ni Dimaporo.
Kini may kalabutan sa pagbuto sa mga esksplosibo sa duha ka lungsod sa Lanao del Norte nga mopaubos sa Bangsamoro Organic Law o BOL plebisite ning adlawa.
Namahayag si Iqbal nga angay susihon una’g maayo ang hitabo aron matumbok ang tinud-anay nga mihimo sa IED eksplosyon.
Giangkon sa opisyal nga daghan sila’g puwersa sa Lanao del Norte apan tuyo niini ang pagbotar mga lungsod nga ipaubos sa plebisito.
