(C) Kitt Sereñas
Lanao del Norte.
Kini human gipabuthan sa ka improvised explosive devices ang lungsod Lala ug Kauswagan ingon man grenade explosion sa Sultan Naga Dimaporo sa maong probinsiya.
Gibutyag ni Police Regional Office-10 spokesperson Police Supt Surki Serenias walay natala nga samaran sa maong pagbusikad.
Nagtoo ang kapolisan nga pagpanghadlok lamang sa mga residente nga mobotar sa BOL plebiscite ang pagpabusikad sa duha ka IED.
Una usab niini,gibutyag ni Lanao del Norte Provincial Police Director Sr Supt Leopoldo Cabanag nga dili pa nila masuta kon IED ang miboto o simpleng paboto lamang sa pasko ang gigamit sa hitabo.
Samtang gi-awhag sa pamilyang Dimaporo ang mga residente nga magkahiusa ug dili mahadlok nga botaran ang “NO” sa himoon
nga plebisito sa Bangsamoro Organic Law sa Lanao del Norte.
Namahayag si Lanao del Norte Cong Abdullah Dimaporo nga dili makapanghinadlok ang Moro Islamic Liberation Front kun ugaling maghiusa ang mga residente sa pagboto.
Siya miingon nga mas kahadlukan sa mga residente kon modaug ang “YES” tungod kay masakop na sa Bangsamoro Autonomous Region in Muslim Mindanao ang ilang probinsya.
Nasayran nga mibuto ang IEds sa lungsod sa Lala ingon man Kauswagan ug grenade explosion usab sa Sultan Naga Dimaporo.
