(C) Owner
CAGAYAN DE ORO CITY-Nagmadaugon ang ‘no votes’ batok sa kagustuhan sa Moro Islamic Liberation Front o MILF nga malakip sa Bangsamoro Autonomous Region in Muslim Mindanao o BARMM ang Lanao del Norte.
Kini human nagpasulabi ang pagsupak sa katawhan nga makuha sa BARMM ang unom ka lungsod nga nagsilbing buffer zone sa lalawigan batok sa mga pundok nga tuyo manghasi niini.
Gibutyag ni Comelec regional director Atty Reynato Magbutay nga sa kapi’g 200-mil ka botante nga nagbotar,mayoriya niini ang kusganong mipadayag nga dili uyon nga makuha ang lungsod sa Balo-i,Munai,Nunungan,Pantar,Tagoloan Dos ug Tangkal gikan sa probinsya.
Samtang mi-apelar si Lanao del Norte Gov. Imelda Dimaporo sa MILF ug mga suporter sa Bangsamoro Organic Law o BOL nga respituhon ang resulta sa plebisito.
Gihimo sa gobernadora ang apelasyon human midaug ang ‘no votes’ sa unom ka lungsod sa probinsiya.
Miingon si Dimaporo nga gipadayag na sa mga butante ang ilang sentimento sa BOL, busa, angayan kining respituhan sa MILF ug dili hinadlokon ang katawhan.
