CAGAYAN DE ORO CITY-Andam ang National Bureau of Investigation o NBI-10 nga mohimo’g operation kon ugaling dunay
mga sakop sa Kabus Padatoon o KAPA investment group dinhi sa rehiyon.
Kini human unang gihangyo sa pipila ka magbabalaod sa Kamara de Representantes ang NBI nga hingpit nang ipabungkag ang maong grupo tungod sa kalambigitan sa ilegal nga pangawarta ngadto sa mga nahimo nila nga mga recruit.
Miingon si NBI regional director Patricio Bernales nga naghulat sila sa kamanduan sa ilang mga labaw aron sugdan ang pag-monitor sa kalihukan sa KAPA dinhi sa syudad.
Hisayrang una nang nagbutyag ang Security and Exchange Commission nga ilegal nga gihimo sa KAPA rason nga angay maglikay ang publiko niini.
