CAGAYAN DE ORO CITY-Midangop sa kapulisan ang kapig 50 ka mga biktima sa gikaingong ‘baboy investment scam’ ning
syudad.
Maoy sagad sa nabiktima ang kababaehan nga asawa sa pulis, sundalo ug OFWs.
Gibutyag sa mga biktima nga naaghat sila pag-apil sa maong investment tungod sa dako nga tubo sa ilang salapi diin moabot sa 50 porsyento.
Nakabutang sa ilang investment ang pipila nga mokabat sa 50 mil pesos hangtud 300-mil pesos.
Gibana-bana nga anaa sa P3.5 milyon ang nawagtang sa ilang investment gumikan sa maong kalihukan.
Mag atubang sa kasong estafa ang suspect nga gitudlong utok sa scam nga si Equersly Jane Labor, 20-anyos. Depensa ni Labor nga usa gihapon siya ka biktima sa maong investment scam.
