CAGAYAN DE ORO CITY-Paningkamutan sa City Health Office o CHO nga mabakunahan ang tanang mga bata sa tibook
syudad batok sa sakit nga tipdas.
Naalarma ang ahensiya human misaka ang ihap sa mga natakbuyan sa sakit gikan Enero
hangtud Pebrero kun itandi sa miaging tuig.
Sumala ni Dr. Fe Bongcas, sa City Health Office nga paspas ang pagtakboy sa tipdas tungod kay nagdumili ang mga ginikanan nga ipabakuna ang ilang mga anak.
Giangkon usab ni Dr. Bongcas nga anaa lang sa 95 porsyento sa mga bata sa syudad ang nabakunahan batok tipdas. Una niini, 42 ka mga bata ang nagpositibo sa tipdas diin tulo kanila ang namatay.
Samtang giawhag ni CHO’s epidemiologist Dr. Joey Retuya ang mga residente sa siyudad nga batasanon ang pagpanghinlo sa ilang palibot aron mapakigbatukan ang pagsaka sa sakit nga dengue.
Matud ni Retuya nga kinahanglang gamiton sa matag barangay ang “4S” strategy ilabina nga mitala sa 256 nga
kaso sa dengue ang syudad sulod lamang sa usa ka bulan.
Una nang miggawas ang report nga nag-una ang Barangay Carmen sa pinaka-daghan nga nagpositibo sa sakit nga dengue, gisundan sa Barangays Lapasan, Kauswagan, Bugo, Balulang, Iponan, Lumbia ug Camaman-an.
Kahinumduman nga ang 4S strategy mao ang searching and destroying mosquito breeding places; securing self-protection; seeking early consultation; ug supporting fogging and spraying sa mga lugar.
