CAGAYAN DE ORO CITY-Natay-og sa intensity 3 epekto sa magnitude 5.9 nga linog ang katawhan sa syudad ug pipila ka bahin sa Misamis Oriental kagabii.
Kini human unang natala ang sentro sa linog sa General Luna ,Surigao del Norte kagabii.
Miingon si Philvocs Director Renato Solidom nga nakasinati sa intensity 5 ang mismong Surigao City apan wala makahimo’g kadaot sa katawhan ug kabtangan sa maong lugar.
Nabati usab ang intensity 4 sa Gingoog City samtang intensity 3 sa ubang bahin sa Visayas.
Wala usab giisa ang ‘sunami’ alert sa tungod sa hinay nga epekto sa linog bisan sa dagat nagsumikad ang pagtay-og sa linog nga tectonic in origin.
