CAGAYAN DE ORO CITY-Nagtoo si kanhi Brgy Taglimao Brgy Kap William Guillane nga ma-disqualify sa 2019 midterm elections si City Mayor Oscar Moreno.
Kini human gipasigarbo ni Guillane nga lig-on ang mga ebidensiya nga iyang nahuptan batok disqualification case nga gipasaka sa Commission on Elections o Comelec batok kang Moreno.
Namugos si Guillane nga paboran sa Comelec ang iyang kaso aron wad-on ang pangalan ni Moreno sa balota nga tinguha mopapil sa ikatulo nga termino isip mayor sa May 13 elections sa syudad.
Una nang gipatubag si Moreno sa Comelec pinaagi sa iyang mga abogado batok sumbong ni Guillani sa kauluhan sulod ning semanaha.
Samtang recycle rason nga dili molahutay ang election disqualifcation case nga giduso sa kampo sa mga kontra ni Moreno ning syudad.
Kini ang tubag ni Moreno sa laing paglisod-lisod kaniya sa iyang mga kontra pinaagi ni Guillani sa Comelec.
Namahayag si Moreno nga igo ra gikopya sa mga kontra ni Moreno ang mga kaso sa Ombudsman nga una usab nga gipugngan sa Court of Appeals o CA sa naglabay’ng katuigan.
Hisayran nga ang legal counsel lang ni Moreno ang mitambong sa preliminary conference sa Comelec tungod kay may lain siyang commitment nga gihimo.
