CAGAYAN DE ORO CITY-Giimbestigaran sa Bureau of Fire Protection o BFP ang hinungdan sa pagkaugdaw sa dose ka mga balay ug karenderya sa nahitabong sunog sa Brgy Macasandig ning syudad.
Gibutyag ni BFP investigator FO1 Kevin Carl Vallos nga naggikan sa kusina nga bahin sa Tambis Eatery ang kalayo.
Paspas nga mikatag ang kalayo sa mga panimalay nga nakapalibot niini kay gama lamang sa light materials ang karenderya.
Anaa sa P300-mil ang damyos ug walay naangol sa maong sunog.Samtang gitunulan na sa hinabang ang 18 ka pamilya nga apektado sa sunog sa Barangay Macasandig ning syudad.
Gibutyag ni Macasandig Brgy Kap Aaron Neri nga gawas sa ilang gitunol nga mga pagkaon ug panginahalanon sa mga biktima, may mga indibidwal usab nga nagpaabot sa ilang hinabang.
Hisayran nga unang gibutyag ni Neri nga ang nabiyaang nilung-ag ni Tambis ang hinungdan sa sunog nga miresulta sa pagka ugdaw sa 12 ka gambalay.
