CAGAYAN DE ORO CITY-Kasuhan sa Philippine Drug Enforcement Agency o PDEA-10 ang mga brgy kapitan nga pakyas makahimo sa ilang
trabaho aron malimpyohan sa gidiling droga ang tagsa-tagsa nila na area of responsibility.
Gihimo ni PDEA regional director Wilkins Villanueva ang panganti tungod sa pagpasagad sa barangayan nga masudlan sa ilegal nga droga ang ilang mga residente.
Miingon si Villanueva nga dili na angay magmahay ang brgy officials kon sila kasuhan kay taas na usab nga panahon nga nahatagan aron ipakusog ang brgy anti-drug abuse council o BADAC nga dugay nang gimando sa DILG.
Samtang gihagit sa DILG-1O ang local govt unit officials nga tinud-on ang pagpatuman sa anti-illegal drugs campaign diha sa kabarangayan.
Miingon si DILG asst regional director Edward Baghwani nga nag-agad usab ang pag-aksyon sa brgy officials sa sensiridad sa local govt officials aron masunod ang direktiba ni Pres Rodrigo Duterte kabahin sa giyera kontra ilegal nga droga.
Gihimo ni Bhaghwani ang komento tungod sa gisulti sa PDEA -10 nga bisan ang mga brgy kapitanes sa Cagayan de Oro City ug Iligan City ang nagpasagad sa maong kamanduan ni Duterte.
