CAGAYAN DE ORO CITY-Milusad na sa imbestigasyon sa lapad nga sunog nga nahitabo sa Mt. Kitanglad Bukidnon.
Gibutyag ni SFO2 Rodolfo Lura sa Bureau of Fire Protection o BFP nga nagresulta ang maong sunog sa pagka-abo sa kapin 10-mil ka pine trees nga iya sa Dahilayan Forest Adventure Park.
Mismo ang caretakers sa maong park ang nanawag kanila diin nahitabo ang insidente sa Brgy Sil-ipon diin utlanang bahin sa Libona ug Manolo Forticth Bukidnon.
Ang iligal nga pagsunog o kaingin system ang gidudahan sa mga bombero nga maoy hinungdan sa hitabo.
