CAGAYAN DE ORO CITY-Mag-atubang sa kasong murder ang suspek sa pagpusil-patay sa silingan niini nga lalaki sa Bonbon, Catarman, Camiguin.
Giila ni Bonbon Brgy Kap Christopher ‘Toping’ Rodriguez ang biktima nga si Jefren Canio Rugay, 33 anyos, minyo ug nagpuyo sa maong lugar.
Miingon si Rodriguez nga kalit lamang gipusil ni Richard Oyao ang biktima samtang nagtindug-tindog sa gawas nga bahin sa balay.
Gidala pa sa ospital ang biktima apan pakyas nang masalbar sa mga doktor ang kinabuhi niini.
Nasuta nga dunay bikil ang duruha hinungdan gitoohan nga dumot ang motibo sa pagpamusil diin naigo ang dughan sa biktima.
