CAGAYAN DE ORO CITY-Gimando ni City Police Dirctor Sr Supt Nelson Aganon ang subsob nga imbestigasyon sa nagpakatag sa impormasyon nga nagresulta sa pagbakwit sa libuang residente sa upat ka hinterland brgy sa syudad.
Kini human unang gibutyag sa pipila ka residente nga may 50 ka armadong kalalakihan nga laraw mosulod sa Sitio Batinay,Brgy Tagpangi sa syudad.
Miingon si Cagayan de Oro City Police Office spokesperson Police Supt Mardi Hortillosa nga natumbok na nila ang maong tawo nga unang tinubdan sa maong impormasyon.
Gibarugan sa kapolisan ug militar nga walay armadong pundok nga nakaagi sa lugar sukwahi sa kasayuran nga naghatag kahadlok na hinoon sa katawhan sa Brgy Tagpangi,Pagalungan ug Brgy Lumbia sa syudad.
Una usab niini,gibutyag sa 16 anyos nga batan-ong lalaki sa Bombo Radyo nga may lima apan dili 50 ka lalaki nga iyang nakit-an misulod sa ilang lugar apan dili klaro kon kini nagbaton sa mga tag-as nga armas.
Samtang pahimuntanga’g mga sundalo sityo diin unang gibutyag nga dunay presensiya sa rebeldeng New People’s Army o NPA sa Brgy Tagpangi ning syudad.
Kini bisan nga unang giklaro ni 65th IB,Philippine Army commander 1Lt Louie Heredja nga negatibo ang report kabahin sa armadong pundok nga misulod sa maong sityo kagabii.
Namahayag si Heredja nga magpabilin ang ilang puwersa hangtod nga dunay mando ang kadagkuan sa 4th ID,Philippine Army nga ibalhin sila sa laing lugar.
Una nang giangkon sa pipila ka residente nga dunay mga NPA nga moagi sa ilang lugar.
