CAGAYAN DE ORO CITY -Gikompirmar sa 4ID Philippine Army nga naka-abot na ang 12 ka miembro sa Cafgu ug duha ka sundalo nga bihag sa rebeldeng NPA sa Sibagat,Agusan del Sur sa Camp Evangelista Station Hospital Brgy Patag ning syudad.
Gipaubos gilayon sa medikasyon ang mga sundalo ug CAFGU.Miingon si 4ID,Philippine Army spokesperson Capt Reggie Go nga hatagan nila’g igong higayon nga mapaubos sa counselling ang ilang mga sakop.
Gi-angkon usab niini nga pipila kanila ang mitug-an nga gihaylo sila sa NPA nga mu-anib kanila ug kontrahon ang mga kahiwian sa gobyerno.
Samtang dili pa makabalik sa serbisyo ang 12 ka Cafgu ug duha ka sundalo nga kanhi bihag sa NPA rebels didto sa Sibagat,Agusan del Sur.
Miingon si Go nga ipaubos pa ang maong mga kanhi bihag sa board of inquiry o BOI kon nganong nasudlan sila sa mga rebelde sa gidumala niini nga detachment sa Agusan del Sur niadtong Nobyembre 2018.
.Hulaton usab sa mga sundalo ang rekomendasyon nga ihatag sa board of inquiry alang sa resumption sa ilang trabaho.
