CAGAYAN DE ORO CITY-Dead on arrival sa balay tambalanan ang usa ka lalaki tungod sa taas nga hilanat ug paghubag sa iyang kinatawo sa Tangub City, Misamis Occidental.
Giila ang biktima nga si Floyd Ediltrudes, hingkod ang edad, minyo ug residente sa maong lugar.
Namugos ang ginikanan sa biktima nga gibarang siya sa iyang kanhi hinigugma.
Emosyonal ang kapikas sa biktima sa pagtug-an sa mga doktor nga dugay na siyang nagduda nga dunay pills nga gitomar ang iyang bana aron modako ang kinatawo niini.
Apan gitin-aw sa espesialista nga si Dr. Lorrainne Oliver nga namatay tungod sa sepsis ang biktima human masuta nga nagpa-inject sa petroleum jelly ang biktima aron mudako ang pribadong parti sa lawas niini.
