CAGAYAN DE ORO CITY – Nahurot na’g patay sa task force ang 805 ka baboy nga nakasulod sa 500 meter radius gikan sa ground zero o tinubdan sa mga brgy nga positibo sa African Swine Fever o ASF sa lungsod sa Initao ug Mantigao,Misamis Oriental.
Kini ang gitaho ni Misamis Oriental Provincial Veterinary Office chief Dr Benjie Resma sulod sa tulo ka adlaw nila nga ‘culling operations’ sa duha ka brgy sa maong mga lungsod ning semanaha.
Miingon si Resma nga sa 805 ka mga baboy,apektado usab ang 224 ka nanag-iya niini diin natunulan na sa 1.6 milyon pesos nga inisyal assistance gikan nga gitubag una sa Northern Mindanao Hog Raisers Association.
Sa pagkutlo usab ning balita,gipaubos nila sa monitoring ang lungsod sa Libertad,Laguindingan ug Initao tungod sa kadudahang sintomas nga miigo sa mga baboy ning semanaha.
