CAGAYAN DE ORO CITY – Nagpagawas sa ilang gibating kasakit ang pipila ka motorela drivers ilabina sa rota sa Consolacion tungod sa gipatumang zoning o color coding sa syudad.
Kini human nagwelga ang pipila ka motorela drivers ug midangop sa Bombo Radyo aron ipalanog ang ilang pagkadismaya sa ipatuman nga color coding sa syudad sa Abril ning tuiga.
Gibutyag ni Brad Lalang nga sa kapin 20 ka tuig nang nagmaneho sa motor nga wala na sila’y kita sa maong balaod tungod sa bag-ong sistema.
Gibutyag ni Lalang nga nakasabot sila sa balaod apan dili haum ang pagpatuman ning panahona.
Apelar nila nga malakip sa ilang rota ang padulong sa Gaisano Mall ug Ayala Mall ingon man nga ayha na lamang i-implementar ang zooning sa panahon nga matapos na ang pandemya.
Samtang depensa usab ni RTA deputy for administration Doy Romero nga alang sa kaayuhan sa tanan ang gihimo sa syudad.
Kini tungod kay daan na usab nagpaabot sa reklamo ang jeep drivers kay nasapawan sila sa mga motorela.Apan gitin-aw ni Ramero nga ilang tun-an ang hangyo sa motorela drivers.
