CAGAYAN DE ORO CITY, Philippines – Tolo ka managlahing sunog ang natigayon sa syudad, sulod ning adlawa.
Ang unang sunog nahitabo sa Ramonal Village Brgy Camanan-an ning syudad, bandang alas 9 sa buntag.
Midamyos kini sa gibana-bana 900,000 pesos kundiin pito ka balay ang gilamoy sa kalayo.
Pag-abot sa udto, natala ang ikaduhang sunog sulod sa fastfood sa dalang Velez.
Maoy nasunog ang abuhan sa Mang Inasal, kundiin midamyos kini sa inisyal nga 10,000 pesos.
Pagka-alas-dos sa hapon, laing sunog ang milamoy sa duha ka boarding house ug usa ka panimalay sa Ilaya, Barangay Carmen.
Paspas nga gimanduan ni Carmen Brgy Kapitan Kikang Uy ang ilang Barangay Health Workers sa paglista sa mga pangalan sa pamilya ug mga studyante, sa duha ka sunog sa sulod sa iyang hurisdiksyon, aron mahatagan sa ayuda.
