CAGAYAN DE ORO CITY, Philippines – Mihatag ang Department of Science and Technology Misamis Occidental sa advanced training alang sa mga mag-uuma sa lalawigan.
Lakip sa ilang gitanyag ang pag-upgrade sa upat ka local rice mills gamit ang mas abante nga teknolohiya aron mapalambo ang pagproseso human sa ani.
Ang mga benepisyaryo programa gilangkoban sa MVL Rice Mill sa Tudela, ESB Rice Mill sa Baliangao, Balat Rice Mill, ug Pearl Rice Mill sa Jimenez.
Pinaagi sa SETUP program, ang mga negosyo nakadawat sa dekalibre nga rice milling equipments ug mechanical dryers nga makapadali ug makahatag sa episyente nga pag-galing, lakip ang paghatag sa maayo nga kalidad sa ginaling nga bugas.
Namahayag si Provincial Science and Technology Director Eufresnie Ann Simbajon nga ang DOST padayon nga nagasuporta sa mga local farmers ug millers aron mapalig-on ang industriya sa bugas sa Misamis Occidental.
