CAGAYAN DE ORO CITY – Midamyos sa balor 282 milyones pesos ang mil-454 ka kaso sa mga dagkong sunog sa Northern Mindanao sa miaging tuig 2024.
Kini ang data nga gilugwa sa BFP-10 nunot sa subli paglusad sa Fire Prevention Month observance sa rehiyon ning tuiga.
Miingon si Fire Officer 3 Angel Carbajal-Ubalde,staff sa BFP 10 Public Information Office nga sa maong gindaghanon sa sunog,anaa sa 848 ka structural fires ang narespondehan sa ilang mga bombero sa nahisgutang tuig.
Siya miingon nga hinoon walay bisan unsa ka kinabuhi sa tawo ang nakalas sa maong mga sunod apan adunay natala nga pipila ka naangol.
Sagad sa mga nag-unang rason sa mga sunog ang napasagdan nga pagluto ug suliran sa elektrisidad.
Dugtong niini,anaa na usab sa sobra 71-milyones pesos ang pasiunang damyos sa 133 ka mga natalang sunog sa rehiyon sa unang kuwarter ning tuiga.
