CAGAYAN DE ORO CITY, Philippines – Musubay sa tukmang proseso ang pagpasakag kaso sa mga ilegal campaign posters sa lokal ug nasudnong mga kandidato. Pagtin-aw kini ni Atty George Erwin Garcia, ang hepe sa Commission on Elections.
Namatikdan ni Garcia nga adunay mga tawong mitangtang sa mga ilegal nga mga campaing posters sa dili common poster area apan, igo lamang kini gibalhin sa lugar nga gidili gihapon angayan butangan sa ilang mga poster.
Mipasidaan si Garcia sa tanan tulibagbag nga mga kandidato nga adunay katapusan ang ilang pagminaru. Lakip sa gitangtang sa comelec, PNP ug DILG task force ang naghinobra ka daku nga mga posters nga wala nahisubay sa balaod.
Dugtong niini, gikompirmar ni Garcia ang mu-abot sa nasud ang usa ka Mr Jack nga moay naghimo sa OVS o Open Voting System nga gamiton sa piliay sa Mayo.
Ang OVS mao ang “trusted build” nga pahimuslan sa pollbody para mas mahimong lig-on ang usa software ug luwas sa paghack sa mga cyber hackers.
Ang OVS wala magsumikad sa orihinal nga source code, nga maoy numero unang gikuwestiyon ni Atty Harold Respecio, ang vice mayoralty candidate sa probinsya sa Isabela.
