CAGAYAN DE ORO CITY, Philippines – Gitambagan ni kanhi Presidente Rodrigo Duterte ang iyang anak nga si Vice President Sara Duterte nga mopauli na sa Pilipinas ug dili biyaan ang pagserbisyo sa katawhan.
Apan namugos ang bise presidente nga maghulat kini hangtud maplastar na ang legal team sa iyang amahan.
Mipasabot si VP Sara nga kinahanglan adunay miyembro sa ilang pamilya ang makaabot sa The Hague, Netherlands aron maoy muatiman sa ilang amahan.
Hinoon, paspas nga nasabtan sa Bise Presidente ang hangyo sa iyang amahan ug tumanon kini sa tukmang panahon.
