CAGAYAN DE ORO CITY, Philippines – Upat ka sundalo ang nasamdan sa grenade attack sa army detachment sa Barangay Madia, Datu Saudi-Ampatuan, Maguindanao del Sur, pasado alas 7:30, kagabie.
Gibutyag ni Army Lt. Col. Roden Orbon, spokesperson sa 6th Infantry Division (6ID) sa Philippine Army nga wala pa nila maila ang mga responsabli nga mi-itsa sa granada sa ilang detachment, hinungdan nga nadamyos ang pipila ka pasilidad sa tropa.
Gikondinar sa labing taas nga lebel sa 6ID ang insidente ug nanumpa nga lakgon ang mga suspek.
Wala na mihatag ang kasundaluan sa dugang detalye sa duguong opensiba.
