Gibisita sa monarkiya sa Englatera ang Santo Papa sa Roma, Vaticano.
Kauban ni King Charles III si Queen Camilla sa pagduaw kang Pope Francis, pinaagi sa usa ka private meeting.
Kini pa ang unang higayon nga nagkatagbo ang 76 anyos nga Hari ug ang 88 anyos nga Santo Papa sukad nga milingkod sa iyang trono tuig 2022.
Anaa sa Italya ang royal couple alang sa ilang upat ka adlaw nga state visit.
Human sa pagbisita sa Santo Papa, init nga gisugat sa parliamento ang Hari ug Rayna sa Inglatera.
Iyang gipa-ambit sa hawanan ang hisgutanan sa kalinaw, democratic values, climate action ug pagpasabot nga ang iyang biyahe, kabahin sa ilang pagselebrar sa ika 20 ka tuig sa anibersaryo sa ilang kaminyoon.
Gigamit sa Monarkiya ang mga pinulungang Italiano ug English sa paghatag sa iyang royal address.
Mahinumduman nga sa miaging tuig, gikansilar sa hari ang iyang unang pagsulay sa pagbisita sa Vaticano tungod sa iyang paghambin sa cancer ug gi-abisohan sa iyang doktor nga tutukan una ang iyang pagpanambal.
