Nabulgar na kung kinsa ang nagmando sa pagpadala kang kanhi Presidente Rodrigo Duterte padulong sa International Criminal Court (ICC) sa The Hague, Netherlands.
Sa hearing nga gilusad sa Senate Committee on Foreign Relations, napugos pag-angkon si Department of Justice Secretary Jesus Crispin Remulla nga nagsumikad sa ilang ahensya ang arrest warrant ug diffusion letter nga maoy nagmando sa PNP ug CIDG nga arestohon si Duterte ug i-surrender sa ICC.
Una niini, nagtinudluay pa si PNP CIDG Chief Nicholas Torre III ug PNP Chief Rommel Marbil kung asa gikan ang kamanduan nga pugsanong isakay sa gi-arkila nga eroplano si Duterte aron ihatud sa prisohan sa International Tribunal.
Sa wala pa mi-angkon si Remulla, mi-akusar pa kini kang senador Imee Marcos nga sila daan nang milaum nga makadawat sa pagbully, gikan sa iyang komite.
