CAGAYAN DE ORO CITY – Kasuhan sa regular Cagayan de Oro Water District board of directors ang naglangkob sa Local Water Utilities Administration o LWUA ingon man ang interim officials nga gipadumala sa sistemang panubig sa dakbayan.
Kini ang panganti ni COWD regular chairman of the board Dr. Gerry Caño dihang nakakuha na sila sa kopya diin nagpabor sa ilang prohibition petition batok sa pagpanghilabot sa LWUA sa pagpadagan sa panubig sa dakbayan.
Miingon ang opisyal nga hinoon,personal pa niya kini nga baruganan apan gitakda nilang tukion ang mga tukmang lakang alang sa ilang krusada batok sa pikas grupo.
Una nang gimando sa korte sa LWUA ug interim officials nga dili na manginlabot sa COWD internal ug external affairs epektibo Abril 8 ning tuiga.
Sa pikas bahin,moduso’g motion for reconsideration o MR ang kampo ni Cagayan de Oro Water District interim General Manager Fermin Jarales sa kort.Kini human ilugwa sa korte ang hukom batok kanila.
Miingon si Jarales nga giila nila ang hukom sa korte kabahin niini apan mohandos sila sa apelasyon sanglit dili pa pinal ang kamanduan sa korte.
Gipasalig usab niini nga pabiling naglihok ug nagtunol sa batakang serbisyo ang COWD taliwala sa hukom sa korte nga pabor sa ilang mga kaatbang.
Hisaryrang ang presensiya ni Jarales ang kabahin sa full intervention sa LWUA sulod sa COWD sugo ni Pres Bongbong Marcos sugod niadtong Mayo 2024.
Apan wala kini respetuha ug ilha sa regular board of directors sa COWD ang maong LWUA action rason nga gidala nila sa husgado ang maong isyu.
