CAGAYAN DE ORO CITY – All set na ang city govt sa Cagayan de Oro paghatag seguridad sa mga deboto nga mopaubos sa pagbalaan sa semana santa sa dakbayan.
Kini ang gibutyag ni CDRRMD manager Nick Jabagat sa interbyu sa Bombo Radyo.
Gibutyag ni Jabagat nga walay halos kabag-uhan sa gabayan nga ipatuman sa duha ka dagkong pilgrimage sites nga nahimutang sa Brgy Cugman ug Brgy Tablon ning dakbayan.
Gitumbok ni Jabagat ang bukid sa Malasag nga tinuig sukaon sa mga deboto ug ang Our Lady of Guadalupe nga natung-an sa Tablon ingon sa Brgy Agusan ug Brgy Balubal ning syudad.
Siya miingon nga sugdan ang pagbukas alang sa pagpasulod sa mga deboto alas 4:00 sa kadlawon ang duha ka pilgrimage sites.
Apan mag-deperensiya lamang sa pagpanguli kay alas 5:00 sa hapon ang Guadalupe ug alas 10:00 sa gabii usab ang Malasag.
Hisayrang lahuson na sa incident management team ang paghatag seguridad hangtod sa Domingo sa Pagkabanhaw diin gilauman ang pagdagsa sa katawhan sa nagkadaiyang kadagatan ug resorts sa syudad.
