(Update) CAGAYAN DE ORO CITY – Angayang tahuron sa duha ka nagkabanging kampo ang hukom nga gilugwa sa korte kabahin sa prohibition case batok interim management nga natahasan sa Local Water Utilities Administration o LWUA nga dumalahon ang Cagayan de Oro Water District o COWD ning syudad.
Kini bisan kung pabor sa regular management sa COWD ang desisyon ni kanhi Regional Trial Court Branch 41 Presiding Judge Joeffre Acedibo batok sa kampo sa LWUA ug interim officials nga gipahamtangan sa cease and desist order o CDO
Miingon ang law professor sa Xavier University nga si kanhi City Mayor Atty. Oscar Moreno nga dili pa pinal ug gilayong ipatuman ang hukom sa korte kay aduna pa’y katungod ang kampo sa LWUA ug interim COWD General Manager Fermin Jarales nga moduso’g motion for reconsideration.
Siya miingon nga layo pa sa tinood ang padulngan sa isyung-legal sa panig ni Jarales ug acting regular COWD General Manager Engr. Edna Najeal kay makahimo pa pagdakop sa Court of Appeals ug bisan sa Korte Suprema.
Gibutyag ni Moreno nga ang matag-desisyon sa lower court ang kanunay kini nga dili pa pinal gawas kung sulod sa 15 ka adlaw walay MR gidason ang kampo nga napahamtangan sa dili pabor nga court ruling.
Dugang sa abogado nga nasabtan usab niya ang kahinam makabalik sa regular management nga idumala ang COWD apan dili mahimo nga ma-shortcut ang pagpatuman sa balaod.
Pagklaro niin nga dili mahimong kay nakapabor sa regular management,pugson nga pagpatuman sa balaod gumikan sa isyu.
Dumduman nga mismo usab ang abogado nila ni Najeal nga si Atty Greg Pallugna ang nagsulti nga maka-apelar pa ang panig ni Jarales sa mga korte nga bukas alang sa maong isyu.
Hisayrang nag-inakusaray si Najeal ug Jarales nga maoy utok paggubat sa entrance door aron masudlan ang opisina ug pangkuhaon ang mga importanteng dokumento may kalabutan sa mga kalihukan sa opisina.
